بادرني مسعود السعيد بالقول: شفت شو صاير بوزارة التجارة الداخلية وحماية المستهلك؟..
خير شو صاير. أجبته باختصار....
قال:..السورية للتجارة بترفع سعر كيلو الرز والسكر..وهاد الشي أغضب الوزير البرازي فطلب من المؤسسة إعادة النظر في الأسعار.. ودعا لاجتماع عاجل في اليوم التالي..
قلت له: بسيطة. اي مصارين البطن بتتخانق..وبتتصارع أحياناً !!
جاوبني بسخرية على طريقة أبو فهمي " الله يرحمه " : لأ بابا المصارين ما بتتخانق..بتلعب بالناس!!!
قلت مستغربا: شلون بابا..
فقال: رفعت المؤسسة سعر السكر من 350 ليرة إلى 800 والرز..من 400 ليرة إلى 900 ..وبذمتي إن القرار من الوزير مو من المدير..
قلت:شه .. شه ..طيب ليش إذا كان حكيك صحيح؟
قال: لسببين..الأول ليختبروا رد فعل الناس..والثاني. منشان يمرقو السعر الجديد المتفق عليه أصلا..يعني تراجعوا عن السعر الغالي.. ورجعوا السعر الوسط..بس الزيادة في الأسعار تمت..السكر ارتفع من 350 ليرة إلى 500 ليرة. والرز ارتفع من 400 ليرة إلى 600 ليرة..
يعني مو مصارين البطن بتتخانق وبتختلف..هي اسمها خلافات مدروسة..
يا لطيف شو ملعوبة..بس الوزارة الغراء..والحكومة..مو شاعرين قديش عم ينزل على المواطن بلاوي؟..
شو بدو يتحمل الراتب ليتحمل ؟؟؟..
استنو..كأنو جاية خلافات (مدروسة) كتير.. ما رح تتأخر..
المواطن عصام داري. ليمتد