مصدر الصورة
صفحة عماد جبور على الفيس بوك
اليوم اتصلت باحدى مؤسسات القطاع الخاص المتخصصه ببيع الفروج السوري ..وعلى ذمته البلدي ..؟؟ المهم بلا طول سيره ...لفت نظري كلمة الذبح الحلال للفروج فسألته : كيف يعني حلال ..؟؟ قال : استاذ يعني مذبوح حسب الشريعه ..؟؟ قلت : ممكن تشرحلي كيف حسب الشريعه ..بعني كل فروج عم تدبحو عم يتكبر عليه قبل الدبح ..؟؟ قال : استاذ نحنا عنا شيخ موظف لهالموضوع ...يعني بيكون الدبيح عم يدبح والشيخ عم يكبر ..؟؟ قلت : ليش الدبيح مابيقدر يكبر ..؟؟ قال: لا الشيخ محلل الو التكبير بهالموضوع أكتر ..!!! قلت : طيب كيف بدي ميز بين الحلال والحرام ..يعني اذا الفروج متكبر عليه ولا لأ ..؟؟ قال : استاذ الحلال بتلاقي لونو زهري .. اما يلي حرام بتلاقي لونو أزرق محقن ..؟؟ قلت : أي بس هلق اللحوم ..أو المعلبات المستورده من اوروبا أو الصين ..ما بيحطو شيخ ..وسمعت انو بيحطو كاسيت مسجل عليها التكبير ..ليتكرر مع الدبح ..؟؟ قال : والله ياأستاذ هاد مو خلال ..لأنو يلي عم بيكبر مو شيخ ..أو شو بيعرفني أنو شيخ ..؟؟ أما نحنا عنا القصه مضمونه ..لأنو عنا الشيخ موظف ..؟؟ قلت : بدي ...أسألك ...شو عرفك انو الشيخ تكبيره مقبول ..؟؟ قال: شو عم تمزح استاذ ..هاد شيخ معمم ...وخريج كلية الشريعه ..؟؟ قلت : لو فيها غلاظه ...قديش عم تعطوه بالشهر ..؟؟ قال : استاذ هو بياخد على الراس مقاطعه ..يعني كل راس 10 ليرات ..؟؟ قلت : وقديش دوامو ...؟؟قال : 8 ساعات باليوم ..؟؟قلت : ومابيوقف نهائيا ..؟؟ قال : كل ساعه عندو استراحه 10 دقايق ..؟؟ قلت : وكام فروج بتدبحوا بوقت دوامو ..؟؟ قال: شي 5 آلاف فروج ..؟؟ قلت : دخلك الفروج شودينو ..أو طائفتو ..؟؟ قال: استاذ لا تفوتني بالسياسه..؟؟ قلت : ممكن اطلب طلب ..؟؟ قال : تفضل ..؟؟ قلت : عندي صديق دكتور بكلية الشريعه ..بيمشي حالو دبيح ...ومكبر ..؟؟ قال: استاذ ..برجع وبقلك بلا سياسه ..ونحنا هي سياسة شركتنا ..؟؟ قلت : طيب ...عندك فروج محقن ازرق ..أكيد أرخص ..؟؟ قال: اي اكيد أرخص ...بس مو عنا ..روح على ساحة المرجه ..بتلاقي طلبك عالبسطات ..؟؟ قلت : وبقدبش أرخص ..؟؟ قال : مو كتير ..يعني تقريبا التلت ..؟؟ قلت: بشرفك بتجاوبني بصراحه..؟؟ قال : تفضل ..؟؟قلت : انت من أي نوع عم تشتري ..؟؟ قال مع ضحكه : خليها على ربك استاذ ..والله من الازرق ...وبعدين بصطفل انا وربي ..وأكيد ماراح يحاسبني على فروج أزرق ...اكلتو وأنا جوعان ...؟؟؟؟؟اليوم اتصلت باحدى مؤسسات القطاع الخاص المتخصصه ببيع الفروج السوري ..وعلى ذمته البلدي ..؟؟ المهم بلا طول سيره ...لفت نظري كلمة الذبح الحلال للفروج .
عماد جبور
