لجنة صياغة قانون إعلام سوري جديد
الجلسة السادسة 14 /6/2011
محام:
توضيح صغير، سألنا بعض أعضاء اللجنة عن الأوراق يلي عم نعطيكم ياها أول كل جلسة، هي عبارة عن شو صار مناقشة في الجلسة اللي قبلها. فطلب منا نعطيها قبل 24 ساعة (وضاح: هذا عبد السلام برسالته) هلأ نحن عطيناها الجلسة الماضية على أساس حضرتكم تقرأوها وشو عندكم ملاحظات حولها، ويتم مناقشة كل شي تم بالجلسة يلي قبلها في اول ربع ساعة أو عشرة دقائق نت الجلسة التالية، نحن عم نقدم لكم إياها ورق، إذا بتحبوا نبعثها ايميلات كمان فينا، بس نحن لأنه ما كانت عنا الايميلات كلها وشفنا انه يمكن الورق يكون أحسن، فإذا فيه عندكم ملاحظات حول طريقة ثانية بتحبوا نتبعها نحن ماعندنا اي مشكلة.
وضاح عبد ربه: خلينا متل ما نحنا، يلي حكيناه هديك الجلسة صار مصاغ؟ عندكم ياه؟ محام: أي موجود.
محامٍ 2: بس منشان يكون فيه اقتناع منشان ما يصير أخر شي اعتراض...
وضاح: هلأ نحن ماشيين هيك، بس أخر شي نرجع ناخذهم كلهم ونعمل قراءة ثانية.
المحامي: قولوا لنا شو بدكم ونحن جاهزين، بدكم تقروها بأول الجلسة أو أخر شي؟
وضاح: لا كل جلسة بجلستها.
عادل يازجي: فيه شغلة هون انتوا عم تقولوا شو المقترحات وتعطونا resume عنها، أنا يلي شفته هون ورقة موزعة بالتوجهات العامة، بالتوجهات والتعاريف هذا ما نقاشناه مبارح، من وين جبتوه؟
محام: السيدة نادية اعطتني ياهم والأستاذ طالب.
عادل: بس نحن ما مرقنا على التحديات وعلى هذه الشغلات.
محام: أستاذ نحن نكتب وفيك لما تناقشه نشطب يلي بدك ياه.
عادل: اه! إذا هذا من خلال الأوراق المقدمة.
محام: تمام.
يحيى عريضي: هلأ انتهينا من الترخيص وآلياته أستاذ؟
وضاح: لسا..
عادل: يعني هلأ هون عطونا ورقة بالأول وبعين عطونا ورقة ثانية.
محام: خلص أخر شي أخر ورقة.
وضاح: وحدة بتلغي الثانية.
